Atburđir

« Febrúar »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
Nćstu atburđir

Ćfingar

Æfingar eru einu sinni í viku, á fimmtudögum kl. 19:30 - 22:30 í Hnífsdalskapellu. 

Langar þig að prófa? Við tökum vel á móti þér! Kíktu við HÉR.

Hörđur Högnason | föstudagurinn 29. nóvember 2013

Jólatónleikar Ernis međ Sigrúnu Pálmadóttur 12., 14. og 15. desember

Sigrún Pálmadóttir
Sigrún Pálmadóttir

Jólatónleikar karlakórsins Ernis verða með hefðbundnu sniði í ár, en þó er vert að vekja athygli á því, að óperusöngkonan og Bolvíkingurinn Sigrún Pálmadóttir mun syngja einsöng með kórnum. Alltof sjaldan hefur heyrst í Sigrúnu hér heima, en hún hefur gert garðinn frægan erlendis og í íslensku óperunni.

 

Tónleikarnir verða í:

Félagsheimilinu á Þingeyri fimmtudaginn 12. desember, kl. 20

Félagsheimilinu í Bolungarvík, laugardaginn 14. desember, kl. 16

Ísafjarðarkirkju, sunnudaginn 15. desember, kl. 16

 

Sigrún Pálmadóttir hóf söngnám við Tónlistarskólann á Akureyri hjá Hólmfríði Benediktsdóttur og stundaði síðan nám í Söngskólanum í Reykjavík hjá Ólöfu Kolbrúnu Harðardóttur og lauk þaðan burtfararprófi árið 1999. Hún stundaði nám við óperudeild Tónlistarháskólans í Stuttgart hjá prófessor Dunja Vejzovie og í ljóðadeild sama skóla hjá prófessor Richter frá 1999-2001. Sama ár og hún lauk námi var hún fastráðin við Óperuhúsið í Bonn.

Sigrún hefur sótt ýmsa masterklassa, m.a. hjá André Orlowitz, Emmu Kirkby og Anthony Rooley. Hér á landi hefur hún sungið á Vínartónleikum með Sinfóníuhljómsveit Íslands og erlendis hefur hún haldið fjölda tónleika, aðallega í Þýskalandi. Sigrún hlaut verðlaun frá styrktarfélagi Óperunnar í Bonn árið 2004 fyrir velunnin störf og framfarir og hélt af því tilefni tónleika með
hörpuleikaranum Jane Berthe. Hlutverk hennar á sviði eru orðin fjölmörg og má þar nefna Næturdrottninguna í Töfraflautunni, Frasquitu í Carmen, Norinu í Don Pasquale, Clorindu í Öskubusku, Olympíu í Ævintýrum Hoffmanns, Zerbinettu í Ariadne á Naxos, Víólettu í La traviata og Sophie í Rósariddaranum. Nýverið söng hún titilhlutverkið í Luciu di Lammermoor í óperunnni í Bonn og hlaut einróma lof fyrir.

Skrifađu athugasemd:


Vefumsjón